Vikio de E@I! : Projektoj / Komputeko / Sub Pagxo (edit)

===Celoj de Komputeko===
**Plibonigo de la lingvouzo de la esperantistaro**
Mi volas disponigi al la esperantistaro senpagan referencoverkon pri komputilaj terminoj. Tiel mi esperas plibonigi la lingvouzon de la esperantistoj, specife kiam temas pri komputilaĵoj. Eblas kunlabori ankaŭ kun vortaristoj por pliampleksigi kaj revizii iliajn verkojn.

Tro ofte esperantistoj uzas anglajn terminojn, simple ĉar ili ne konas, nek facile retrovas taŭgajn terminojn en Esperanto. Tiuj terminoj tamen ekzistas, ni ilin do uzu.

**Protekti lingvojn kaj kulturojn**
La projekto Komputeko ne nur celas esperantistojn. Mi volas doni al tradukistoj, ĵurnalistoj, verkistoj kaj aliaj interesitoj plurlingvan referencoverkon pri komputilaj terminoj el aŭ al siaj gepatraj lingvoj.

En la nederlanda lingvo, ekzemple, ja ekzistas retaj fakvortaroj pri komputilaj vortoj. Tamen plej multaj retejoj celas nur klarigi la terminojn kaj ne vere zorgas pri fontindikoj, alternativoj kaj korekta skribmaniero. Komputeko volas esti konstante ĝisdatigata profesie uzebla retejo kiu helpas interesitojn uzi korektan lingvon.

Ankaŭ eblos, ekzemple, kontakti revuojn kiam en iu artikolo aperas strangaj  vortoj kaj proponi al ili uzi la Komputekon. Ne nur ili disponos je senpaga, fidinda laborinstrumento (ĉar fontoj estas la ĉefaj respektataj verkoj), sed samtempe ili sendube ankaŭ povus konvinkiĝi ke Esperanto vere funkcias kiel neŭtrala interlingvo, eĉ por komunikado pri komputilaj terminoj.

Se vi volas konservi sxangxojn, antaux ol premi "Konservi", enskribu en la suban fenestreton kodon, kiun vi vidas en la bildo.

Vikio de E@I!: Projektoj/Komputeko/SubPagxo ...